Лічылкі і забаўлянкі

Паважаныя калегі, бацькі!

       Прапануем Вам народныя забаўлянкі, лічылкі, якія можна выкарыстоўваць у штодзённых зносінах з дзецьмі. Няхай гэтыя маленькія творы мастацтва дапамогуць адчуць прыгажосць і непаўторнасць роднай мовы, спрыяюць выхаванню павагі да свайго народу, далучаць Вашых дзяцей да непаўторнага свету паэзіі.

           Забаўлянкі

Сядзіць сыч на капе

Сядзіць сыч на капе,

А сава на другой,

Гой-гой-гой! на другой,

Гой-гой-гой! на другой.

У савы сыч пытае:

— Хто ў лесе гукае?

Гу-гу-гу! — гукае,

Гу-гу-гу! — гукае

— Дрывасекі мае

                                                   Сякуць лес у мяне.

                                                   Чах-чах-чах! — у мяне,

                                                   Чах-чах-чах! — у мяне.

                                                   I сякуць, і крычаць,

                                                  Каб звяроў напужаць.

                                                  Пух-пух! — напужаць,

                                                  Пух-пух! — напужаць.

Гушкі, гушкі, гушкі   

Гушкі, гушкі, гушкі,

Прыляцелі птушкі,

Селі на варотах

У чырвоных ботах.

Боты паскідалі,

Кругом паляталі.

Сталі сакатаці.

Чаго птушкам даці?

Прынясу ім жыта,

Будуць птушкі сыты.

Пасыплю гароху —

Хай ядуць патроху.

Ды насыплю грэчкі —

Хай нясуць яечкі.

Сядзіць мядзведзь на калодзе

Сядзіць мядзведзь на калодзе,

Капшук вышывае,

А сыны-медзведзяняткі

Шоўкам падшываюць.

Стары заяц-работнічак

На скрыпцы грае,

А лісіца, а хітрыца

З куста выглядае.

А сарокі-белабокі

Пусціліся ў скокі,

А вароны, стары жоны,

Пайшлі жыта жаці.

А зязюля, а зязюлька

Жыта малаціла,

А карова, а карова

Жыта вынасіла.

Казёл меле, казёл меле,

Каза падсыпае,

А малыя казляняты

У мяшок збіраюць.

Муха месіць, муха месіць,

Камар воду носіць,

А малыя камарочкі

У іх цеста просяць.

У куце сядзіць мядзведзь                     Ягорачка

У куце сядзіць мядзведзь,                                                 Горкай, горкай, горачкай

Хустку вышывае,                                                               Ішоў малы Ягорачка.

А лісічка-невялічка                                                           Ваўкоў не баяўся,

Хатку прыбірае.                                                                 Страхаў не пужаўся.

А каток пячэ аладкі,                                                          Выразаў Ягорачка

Масла падлівае.                                                                 Дудачку-свісцёлачку,

Мышанятка жвава, гладка                                                I свістаў ён птушачкай,

Катку памагае.                                                                   Птушачкай-пяюшачкай.

                                                                                            Горкай, горкай, горачкай

                                                                                            Ішоў малы Ягорачка.

Іграў я на дудцы                            Кую, кую ножку

Іграў я на дудцы,                                                            Кую, кую ножку,

Седзячы на будцы.                                                         Паеду ў дарожку.

Ту-лю, ту-лю, ту-лю-лю,                                               Дарожка крывая,

Ту-лю-лю!                                                                       Кабылка сляпая,

Грае мая дудка,                                                               Еду, еду, еду,

Пяе весялушка.                                                              Ніяк не даеду.

Ту-лю, ту-лю, ту-лю-лю,                                               Прыпрагу сароку,

Ту-лю-лю!                                                                       Паеду далёка,

Як зайграла дудка —                                                     У новай кашулі

Прыбег скакаць Юрка.                                                 Да майго дзядулі.

                                                                                    Скоранька паеду,

                                                                                    Каб паспець к абеду.

                                                                                    Ладкі ладком

                                                                                        Ладкі ладком,

                                                                                        Піражкі з мядком,

                                                                                        Кашка з алеем,

                                                                                        Есці не ўмеем.

Ладу, ладу, ладкі                       Люлі-люлі-люлі

- Ладу, ладу, ладкі                                                         Люлі-люлі-люлі,

- Дзе былі?                                                                     Селі на варотах

- У бабкі.                                                                        Прыляцелі куры,

- А што елі?                                                                   У чырвоных ботах.

- Кашку.                                                                          Сталі сакатаці -

- А што пілі?                                                                  Што курачкам даці?

- Малачко.                                                                      Ці ячменю жменьку?

Бабулька казала,                                                            Ці гарошку трошку?

Як нас частавала:                                                          Ці жыта карыта?

- Прыходзьце часцей,                                                   Ці бобу каробу?

Пачастую смачней:                                                       Трэба даць ім грэчкі,

Дам вам сыраквашкі,                                                    Каб неслі яечкі.

Бярозавай кашкі.

Сарока-варона                         Кукарэку, певунок

Сарока-варона                                                                  Кукарэку, певунок,

На прыпечку сядзела,                                                      Залаценькі чубок,

Кашку варыла,                                                                  Пад паветачку пайшоў,

Дзетак карміла.                                                                 Курку-рабку там знайшоў.

Гэтаму дала,                                                                      Пачаў курку пытаць,

Гэтаму дала,                                                                      Ці ўмее чытаць.

Гэтаму дала,                                                                      — Не чытаю, не пішу,

Гэтаму дала,                                                                      Толькі яйкі нясу.

А гэтаму не дала.                                                              Што дзень дзецям нашу

Гэты пальчык —                                                               Аж па цэламу кашу.

Вялікі гультайчык:

Круп не драў,

Цеста не мясіў,                                                             Сонейка-сонца

Вады не насіў.                                                                      Сонейка-сонца,

Лыжка на паліцы,                                                                Выгляні ў аконца,

Кашка ў камяніцы.                                                              Пасвяці нам трошку,

Шуг! Шуг! Шуг!                                                                 Дам табе гарошку.

Паляцелі —

На галоўку селі.

Лічылкі Раз, два - кружава,                                                            Раз, два, тры, чатыры, пяць,  Тры, чатыры - пачапілі,                                                    Выйшаў зайчык пагуляць.  Пяць, шэсць - кашу есць,                                                Трох ахотнічкаў напала,  Сем, восем - сена косім,                                                  Майго зайчыка злапала.  Дзевяць, дзесяць - грошы весіць.                                   Піф-паф, о-ё-ёй,  Грош згубілі, два знайшлі                                               Памірае зайчык мой.  У карчму усе пайшлі:                                                       Прыняслі яго дамой,  Чай п'юць, кружкі б'юць,                                                 Паглядзелі - ён жывой.  На стол грошыкі кладуць.

        *******                                                                                  *******

Ляцеў лебедзь,                                                                Эні, бэні, тры капторы, 

Лічыў дзесяць,                                                                Мы спаймалі ў лесе вора, 

Цар хацеў мяне павесіць,                                              Сталі думаць і гадаць, 

А царыца не дала                                                           Як нам вора пакараць. 

І павесіла цара.                                                               Мы звязалі рукі, ногі 

Цар вісеў, вісеў, вісеў                                                     І пусцілі па дароге. 

І ў памыйку уляцеў,                                                        Хто ні едзе, хто ні йдзе, 

Усю памыйку аблізаў                                                     Па капеечцы кладзе. 

І спасіба не сказаў.                                                         Нам капеечка не нада, 

                                                                                         Зажмурыцца вору нада. 

             *******                                                                           *******    

Раз, два, тры, чатыры, пяць,                                              Цынцы-брынцы, два кальца 
Шэсць, сем, восем, дзевяць, дзесяць,                               Выстругалі малайца, 
Выплыў белы месяц,                                                          На святой нядзельцы 
А за месяцам луна,                                                             Здзелалі кацельцы, 
Хлопчык дзеўчыны слуга.                                                 Кадельцы упалі, 
- Ты, слуга, падай карэту,                                                   На кузню сказалі. 
А я сяду і паеду.                                                                  Кузня божыцца: - Не я, 
Ты, слуга, падай лімон,                                                      Балалаечка мая. 
А я свісну, а ты - вон!                                                         Балалаечка-гудок, 

                                                                                              Разваліўся мой дамок. 

            *******                                                                             ******* 

  Раз, два, тры, чатыры, пяць,                                         Аты-баты, шлі салдаты, 

Шэсць, сем, восем, дзевяць, дзесяць,                           Аты-баты, на базар,

Выплывае белы месяц,                                                   Аты-баты, што купілі? 

А за месяцам луна,                                                          Аты-баты, самавар. 

Выйшла дзевіца-слуга.                                                   Аты-баты, колькі стоіць? 

- Ты, слуга, падай карэту,                                               Аты-баты,тры рубля. 

А я сяду і паеду,                                                               Аты-баты, хто выходзіць? 

Ты, слуга, падай мятлу,                                                   Аты-баты, гэта я. 

А я хату падмяту.